قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ بۇيرىعى №255

2015 جىلعى 27 اقپان,  استانا قالاسى تۋريستىك مارشرۋتتار مەن سوقپاقتاردىڭ مەملەكەتتىك تىزىلىمىن قالىپتاستىرۋ جانە جۇرگىزۋ قاعيدالارىن بەكىتۋ تۋرالى «قازاقستان رەسپۋبليكاسىنداعى تۋريستىك قىزمەت تۋرالى» 2001 جىلعى 13 ماۋسىمداعى قازاقستان رەسپۋبليكاسى زاڭىنىڭ 11-بابى 13) تارماقشاسىنا سايكەس بۇيىرامىن: 1. قوسا بەرىلىپ وتىرعان تۋريستىك مارشرۋتتار مەن سوقپاقتاردىڭ مەملەكەتتىك ءتىزىلىمىن قالىپتاستىرۋ جانە جۇرگىزۋ قاعيدالارى بەكىتىلسىن. 2. قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ تۋريزم يندۋسترياسى دەپارتامەنتى: 1) وسى بۇيرىقتى قازاقستان رەسپۋبليكاسى ادىلەت مينيسترلىگىندە زاڭنامامەن بەلگىلەنگەن تارتىپتە مەملەكەتتىك تىركەۋدى; 2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ كوشىرمەلەرىن مەرزىمدى باسپا باسىلىمدارىندا جانە «قازاقستان رەسپۋبليكاسى ادىلەت مينيسترلىگىنىڭ رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنىڭ «ادىلەت» اقپاراتتىق-قۇقىقتىق جۇيەسىنە رەسمي جاريالاۋعا جىبەرۋدى; 3) وسى بۇيرىقتى قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ ينتەرنەت-رەسۋرسىندا جانە مەملەكەتتىك ورگانداردىڭ ينترانەت-پورتالىندا ورنالاستىرۋدى; 4) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ون جۇمىس كۇنى ىشىندە قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ زاڭ دەپارتامەنتىنە وسى بۇيرىقتىڭ 2-تارماعىنىڭ 1), 2) جانە 3) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتەردى ۇسىنۋدى قامتاماسىز ەتسىن. 3. «تۋريستىك قىزمەتتى جۇزەگە اسىراتىن تۇلعالاردىڭ مەملەكەتتىك تىزبەسى جانە تۋريستىك مارشرۋتتار مەن جولداردىڭ مەملەكەتتىك تىزبەسىن جاساۋ جانە جۇرگىزۋ ەرەجەسىن بەكىتۋ تۋرالى» قازاقستان رەسپۋبليكاسى تۋريزم جانە سپورت مينيسترلىگىنىڭ مىندەتىن اتقارۋشىنىڭ 2008 جىلعى 23 قازانداعى № 01-08/180 بۇيرىعىنىڭ (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 5350 تىركەلگەن, 2008 جىلعى 28 قاراشاداعى № 182 (1408) «زاڭ گازەتى» گازەتىندە جاريالانعان) كۇشى جويىلدى دەپ تانىلسىن. 4. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ ينۆەستيتسيالار جانە دامۋ ءبىرىنشى ۆيتسە-مينيسترىنە جۇكتەلسىن. 5. وسى بۇيرىق ونىڭ العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ ينۆەستيتسيالار جانە دامۋ ءمينيسترى ءا.يسەكەشەۆ. قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ 2015 جىلعى 27 اقپانداعى №255 بۇيرىعىمەن بەكىتىلگەن تۋريستىك مارشرۋتتار مەن سوقپاقتاردىڭ مەملەكەتتىك ءتىزىلىمىن قالىپتاستىرۋ جانە جۇرگىزۋ قاعيدالارىن بەكىتۋ تۋرالى 1. جالپى ەرەجەلەر 1. تۋريستىك مارشرۋتتار مەن سوقپاقتاردىڭ مەملەكەتتىك ءتىزىلىمىن قالىپتاستىرۋ جانە جۇرگىزۋ تۋرالى وسى قاعيدالارى «قازاقستان رەسپۋبليكاسىنداعى تۋريستىك قىزمەت تۋرالى» 2001 جىلعى 13 ماۋسىمداعى قازاقستان رەسپۋبليكاسىنىڭ زاڭىنا سايكەس ازىرلەندى. 2. تۋريستىك مارشرۋتتار مەن سوقپاقتاردىڭ مەملەكەتتىك ءتىزىلىمى (بۇدان ءارى - ءتىزىلىم) تۋريستىك مارشرۋتتار مەن سوقپاقتاردى ەسەپكە الۋ قۇجاتى بولىپ تابىلادى. 2. ءتىزىلىمدى قالىپتاستىرۋ جانە جۇرگىزۋ ءتارتىبى 3. ءتىزىلىم ءتۋريستىڭ (ساياحات كەزىندە) تانىمدىق, سپورتتىق, ەستەتيكالىق نە وزگە دە ماقساتتارمەن ءوتۋ, قاراۋ ءۇشىن بەلگىلەنگەن گەوگرافيالىق مەكەندەردىڭ, بولۋ وبەكتىلەرىنىڭ تىزبەسىن كورسەتەتىن بەلگىلەنگەن مارشرۋتتار مەن سوقپاقتاردان قالىپتاستىرىلادى. 4. وسى قاعيدالارعا قوسىمشاعا سايكەس نىسان بويىنشا ءتىزىلىم وبلىستىڭ, رەسپۋبليكالىق ماڭىزى بار قالانىڭ, استانانىڭ جەرگىلىكتى اتقارۋشى ورگاندارىمەن (بۇدان ءارى - اكىمدىكتەر) جۇرگىزىلەدى. ءتىزىلىم جۇرگىزۋدىڭ استارىندا: 1) تۋريستىك مارشرۋتتار مەن سوقپاقتار تۋرالى مالىمەتتەردى ەنگىزۋ; 2) ءتىزىلىمدى تۋريستىك مارشرۋتتار مەن سوقپاقتار تۋرالى مالىمەتتەر وزگەرگەن كەزدە جاڭارتۋ; 3) اكىمدىكتەردىڭ ينتەرنەت - رەسۋرسىندا ءتىزىلىمدى ورنالاستىرۋ جانە ونى جۇيەلى تۇردە جاڭارتۋ تۇسىندىرىلەدى. 5. ءتىزىلىم قاعاز جانە ەلەكتروندى تاسىعىشتاردا جۇرگىزىلەدى. ءتىزىلىمنىڭ بارلىق بەتتەرى قاعاز تۇرىندە نومىرلەنەدى, تىگىلەدى, سوڭعى بەتىندە پاراقتاردىڭ سانى كورسەتىلەدى جانە ءمور باسىلادى. 6. ءتىزىلىم مەملەكەتتىك جانە ورىس تىلدەرىندە جۇرگىزىلەدى, ءوشىرۋسىز جانە تۇزەتۋلەرسىز تولتىرىلادى. 7. جەكە جانە زاڭدى تۇلعالاردىڭ وتىنىشتەرى بويىنشا اكىمدىكتەر تىزىلىمگە ەنگىزىلگەن مالىمەتتەردى ۇسىنادى. تۋريستىك مارشرۋتتار مەن سوقپاقتاردىڭ مەملەكەتتىك ءتىزىلىمىن قالىپتاستىرۋ جانە جۇرگىزۋ قاعيداسىنىڭ قوسىمشاسى تۋريستىك مارشرۋتتار مەن سوقپاقتاردىڭ مەملەكەتتىك ءتىزىلىمى № تۋريستىك قىزمەتتىڭ ءتۇرى تۋريستىك مارشرۋت پەن سوقپاقتاردىڭ اتاۋى بارۋ ماقساتى ءتۋريستىڭ ءجۇرۋ جولى تۋريستىك مارشرۋت پەن سوقپاقتىڭ ۇزاقتىعى وزگە دە مالىمەتتەر 1 2 3 4 5 6 7 م.و. قولى بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 9 ساۋىردەگى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №10648 بولىپ ەنگىزىلدى.